Academi Oncoleg Felindre ydy'r academi ganser gyntaf erioed yng Nghymru. Mae’r Academi, sy’n ymroddedig i drawsnewid gofal canser trwy addysg, yn darparu hyfforddiant oncoleg a sgiliau clinigol i staff ar lefel genedlaethol a rhyngwladol, gyda'r nod o ddatblygu ein gweithlu a chreu canlyniadau gwell i gleifion.

Yn rhan o Ymddiriedolaeth GIG Prifysgol Felindre a Gwasaneath Canser Felindre, mae'r Academi yn darparu hyfforddiant a rhaglenni DPP i nyrsys a gweithwyr iechyd proffesiynol, gan gynnwys gweminarau, cyrsiau byr a chymwysterau ôl-raddedig. Mae ein rhaglenni’n cael eu cyflwyno trwy gyfrwng sawl dull, gan gynnwys ar sail rithwir ac wyneb yn wyneb, gan roi hyblygrwydd i’r gweithlu gofal iechyd heb gyfaddawdu ar lefel yr ymgysylltu ac ansawdd y ddarpariaeth.

Mewn partneriaeth â Phrifysgol Cymru y Drindod Dewi Sant, bydd yr Academi yn cynnig cyrsiau achrededig gwerthfawr dros ben, a fydd yn y pen draw, yn gwella profiadau a chanlyniadau i gleifion.